NÆRINGSLIVET I MØRE OG ROMSDAL

Næringslivet i fylket ser ut til å ha gjenvunne konkurransekrafta i løpet av 2005. Fylket hadde 12,4 % auke i eksporten frå 2004 til 2005, og ordrereserven er god.

Internasjonaliseringsaktiviteten i fylket er tradisjonelt stor. Tildeling av 148 millioner kroner frå Innovasjon Norge til tiltak retta mot internasjonalisering tyder på stor aktivitet på dette feltet i 2005.

Entreprenørskap og nyskaping er revitalisert som fokusområde for organisasjonen gjennom NIFO-rapport og temamøter. Dei rammene som var avsett til etablererstipend o.l. vart nytta i 2005 (6 millioner kroner). Entreprenørskapsprosjekt vil verte starta i 2006.

Reiselivsnæringa er også eit utpeika satsingsområde for Innovasjon Norge. Etterspurnad etter midler har vore noko begrensa i 2005. Det er bevilga ca 5,8 millioner kroner til næringa i 2005. Mange bedrifter har svak økonomi, noko som er ei utfordring for heile næringa. Produktlønsemd og kvalitet på tenestene synest å vere ei utfordring.

Reiselivsprosjekt vert i 2006 etablert i fylket for betre å utnytte potensialet fylket har innan reiselivsutvikling.

Landbruket er i sterk omstilling. Lønsemda i landbruket er ikkje så god som ein skulle ynskje, men næringa synest likevel godt rusta til å ta dei nødvendige grep for å tilpasse seg dei rammevilkåra som vi ser i nær framtid (ser då bort frå WTOforhandlingane).

Investeringslysta i næringa er stor, og øyremerka midler for omstilling av mjølke- og kjøttproduksjon har ført til spesielt stor aktivitet innan denne greina.

Innovasjon Norge bevilga totalt 112,5 millioner kroner til næringa i 2005. Vi vurderer næringa som omstillingsvillig og kreativ.

Det har vore bra etterspurnad etter midler til omstilling- og nyskapingstiltak i industrien, og det er bevilga totalt 180 millioner kroner til tiltak under denne strategien i 2005. Møbelindustrien viser positive tendensar, og Innovasjon Møbel er eit godt eksempel på eit prosjekt som får ei eiga kraft gjennom tilførsel av kapasitet, noko som igjen kan skape lokalt engasjement slik at prosjekt vert initiert, fi nansiert og gjennomført.

Verftsindustrien har reetablert god drift og har investert i logistikk, kompetanse og teknologi. Deler av fi skeindustrien har tidvis hatt likviditetsproblem som følge av svak lønsemd og innstramma kredittpolicy i fleire av bankane, men dette har betra seg inn mot 2006. Ordresituasjonen i verftsindustrien og mekanisk leverandørindustri er for tida svært god.

Fiskeri, fiskeindustri og havbruk har framleis store strukturerings-/ omstillingsbehov. Innovasjon Norge har ei spesiell rolle mot fiskefl åten sett i lys av at vi viderefører Fiskarbankens aktivitet.

Folketal:
244 978

Arbeidsløyse:
3 968
2005 : 3,2%
2004 : 3,9%

Kommuner:
37 (5b, 16c, 10d, 6)

Omstillingsområder:
Smøla og Vanylven

Nyetableringer
(antall foretak):
2005: 1 406
2004: 1 652

Konkurser (antall foretak):
2005: 168 (-15,6%)
2004: 200 (-36%)

Eksportfylke nr 4
Samla eksport 22.6 mrd kr (+12,4%)

Utgjer 9 % av samla norsk
eksportverdi (9,9 % i 2004)

Reiselivsfylke nr 11
Antall gjestedøgn 2004:
1 245 231 (+11%)