|
KUNDEBEDRIFTER FRÅ MØRE OG ROMSDAL
Finansiering er ofte ei utfordring for å realisere
nyskapande og innovative prosjekt. Innovasjon Norge har
som mål å gi lokale idéer globale moglegheiter, og vi
presenterer her tre prosjekt der Innovasjon Norge i Møre
og Romsdal har vore medverkande
finansieringskjelde.
Alm-Senteret AS
I takt med
endringen av kosthald og livstil i befolkninga er det
oppstått eit stadig aukande behov for hjelp mot overvekt.
Den mest effektive løysinga er tilbud for langtidsopphald
for å endre vaner.
Alm-Senteret as er etablert for å tilby tenester til
overvektige personer gjennom opphald og trening for å
kunne takle eigen kvardag og legge om livsstilen.
Anne-Lise Indergaard og Magne Søvik etablerte i 2004
verksemda ved ein nedlagt skule i Rødven i Rauma kommune.
Innovasjon Norge har vore med på risikoavlasting gjennom å
yte lån og tilskott til prosjektet.
www.alm-senteret.no
PatoGen Analyse AS
Selskapet
er eit uavhengig analyse-, rådgjevings- og
forskningsselskap som skal bistå akvakulturnæringa i
fiskehelserelaterte problemstillingar, ofte i samarbeid
med lokale fiskehelsetenester.
Dei to gründerne av PatoGen Analyse AS er utdanna PhD og
Master innen fiskehelse og har til saman 16 år som
forskarar ved Universitetet i Bergen og
Veterinærinstituttet i Oslo innan dette fagfeltet.
PatoGen Analyse er ein inkubatorbedrift ved Ålesund
Kunnskapspark, og verksemda har det mest moderne
laboratoriet for "Real-Time PCR-analyser" for påvisnig av
fiskepatogener.
Innovasjon Norge er tilskottsytar til inkubatorverksemda,
og långjevar til investeringane i utstyr.
www.patogen.no
G.C.Rieber Oils AS (GCRO)
Tidligere Alnæs Marine Oils AS. Frå å vere eit
reint tradingselskap som dreiv med handel av marine oljer
på den internasjonale marknaden, er verksemda i dag
utvikla til ein leiande produsent av høgkvalitets marine
oljer. Selskapet sin visjon er å vere ein global
industriell leverandør av raffinerte, spesialdesigna og
høgkvalitets marine oljer.
GCRO er sertifisert etter ISO 9002 (kvalitetsstyring) og
har eit eige, moderne laboratorium der det vert ført
streng kontroll og kontinuerlig testing av både råvarer og
ferdigprodukter. I tillegg driv dei forskning på nye
produkter og produksjonsprosesser.
GCRO har saman med Hydrotechgruppen etablert Hydral AS på
Bentneset i Kristiansund. Hydral skal ta hand om avfall
frå lakseslakteri og foredle dette til høgkvalitets marine
oljer og proteiner. Konsernet har også under bygging eit
nytt raffineri for selolje i same området - Fortuna Oils
as.
Bedrifta har hatt mange utfordrande utviklingsprosjekt, og
Innovasjon Norge har gitt risikoavlasting gjennom
tildeling av lån og tilskott til fleire av desse.
GCRO vart utpeika som årets bedrift i Møre og Romsdal i
2005.
|