Kontoret i Møre og Romsdal

Møre og Romsdal er framleis største fylket målt etter bruk av virkemidler frå Innovasjon Norge når lån og tilskott blir slått saman. Låneporteføljen som Innovasjon Norge i Møre og Romsdal forvaltar er 2 041 milliarder, og utgjer omlag 19 % av vår totale låneportefølje pr 31.12.2006.

Kontoret har eit godt samarbeid med Møre og Romsdal fylke, herunder òg landbruksforvaltninga. Innovasjon Norge har ein sentral posisjon i utviklinga av Regionalt utviklingsprogram (RUP) og har programansvar for fleire av programma.

Fiske og oppdrett er store bransjar i vår låneportefølje. Marin sektor har mottatt 178 mill kr av tildelingane i Møre og Romsdal i 2006. Fiskeflåten er den største brukeren.

Marint Innovasjonsprogram er starta, og fleire gode prosjekt er med frå vårt fylke. Det blir spanande å sjå kva løft dette kan gje til ei næring som framleis står framfor store omstillingsutfordringer.

Entreprenørskap og nyskapingssatsinga ”hoppid.no” er sett i gang i 2006. Fleire konkrete tiltak er initiert i 2006, og fleire er starta opp i 2007. Omstilling Smøla held fram på sjette året, og Vanylven kommune er inne i sitt tredje år som omstillingskommune. Ein har hausta gode erfaringar frå arbeidet som er lagt ned, og mange nye arbeidsplassar er etablerte i perioden.

Innovasjon Møbel er evaluert og er så langt vellukka. Prosjektet går over i ny fase på to år. Eit nytt prosjekt, ”Internasjonalisering Møre og Romsdal”, er på trappene for 2007.

Ei ny sektorsatsing for kultur- og opplevelsesnæringane skal bidra med tiltak som styrker kompetansen, profesjonaliteten og lønnsemda i næringane.

Direktør Bjørn Tunheim i Innovasjon Norge Møre og Romsdal saman med Are Kalvø på Mørekonferansen 2006, som mellom anna hadde tema opplevelseindustri. Konferansen vart arrangert av Møre og Romsdal fylke i samarbeid med Innovasjon Norge og Sparebanken Møre.

Innovasjon Norge vil bidra med penger, kompetanse og nettverk innanfor dei rammer myndigheitene gir oss også i 2007. Internasjonaliserings- og idèvurderingskompetanse er mellom anna utvikla ved kontoret gjennom direkte kontakt med vårt hovedkontor og våre 34 kontor over heile verda.

Vår visjon er å bidra til utvikling og omstilling av eit lønnsamt næringsliv over heile Møre og Romsdal. Med over 700 medarbeidarar i inn- og utland, vil Innovasjon Norge kunne bidra med kompetanse, nettverk samt risikokapital til oppfylling av denne visjonen.