Kontoret i Sogn og Fjordane

Det har aldri vore løyvd så mykje tilskot til Sogn og Fjordane som i 2007. Sogn og Fjordane er også det tredje største fylket målt etter verkemiddelbruk (lån og tilskot) i 2006.

Det har vore stor etterspurnad etter Innovasjon Norge sine verkemiddel i 2006. Industrien er den bransjen det vart løyvd mest midlar til. Dei største tilskotet gjekk til solsellefabrikken Norsun AS og dørfabrikken Dooria AS i Årdal.

Fiskeflåten

Fiskeflåten har fått dei største låneløyvingane i samband med med restrukturering av næringa (kvotekjøp og samanslåing). Når det gjeld BU-midlane har Innovasjon Norge satsa spesielt på samdrifter i mjølkeproduksjon. Dessutan har Innovasjon Norge vore med å støtta ei rekkje innovative prosjekt frå dei tenesteytande næringane.

Fellesprosjekt

Elles har det vore løyvd mykje midlar til fellesprosjekt som etableraropplæring, internasjonalisering, design, regional omstilling, SMB-utvikling, strategi, styreutvikling, leiarutvikling, entreprenørskap, FRAM og kvinne/ungdomssatsing.

Godt samarbeid

Kontoret har eit godt samarbeid med Sogn og Fjordane Fylkeskommune og Fylkesmannen. Innovasjon Norge har vore med i utviklinga av det regionale utviklingsgprogrammet (RUP) og deltek i fleire program.

Omstillingskommunar

Årdal, Høyanger, Flora, Vågsøy og Jølster er definert som omstillingskommunar.  Innovasjon Norge har hatt ansvar for kvalitetssikring gjennom å være rådgjevar, pådrivar og oppfølgjar av omstillings-arbeidet.

Matprogrammet

Gjennom verdiskapingsprogrammet for mat har det vore arbeidd med lokal mat og mattradisjonar, frukt og bærprosjekt og merkevarebygging.

EXPO Sogn og Fjordane

Innovasjon Norge i Sogn og Fjordane sitt prosjekt EXPO Sogn og Fjordane er ei tre-årig satsing på internasjonalisering retta mot bedrifter som vil satse på eksport.

Designsatsingen - DIFF

Innovasjon Norge Sogn og Fjordane har hatt eigen designsatsing i samarbeid med Styn Næringshage. Designsatsinga i Fjord Fylket – DIFF – skal skape nettverk og møteplassar, heve kompetansen og stimulere til auka bruk av profesjonell design hjå næringslivet, skuleverket og samfunnet.

Arena-programmet

I arenaprosjektet ”MarinVEST” har det vore arbeidd med å etablere møteplassar for dei marine næringane i fylket som skal fungere som ein arena for innovasjon og nytenking på tvers av geografi og verdikjeder.

”Innovativ fjordturisme” er eit nytt arenaprogram som er eit samarbeid mellom vestlandsfylka.

EXPO Prosess

15 bedrifter har delteke i EXPO Prosess som er eit  utviklingsprogram skreddarsydd for den enkelte bedrift. Målet er at deltakande bedrifter samla sett skal auke eksporten med 30 % i løpet av tre år.